شام کے سرکاری میڈیا نے دعویٰ کیا ہے کہ اس کے فضائی دفاعی نظام نے وسطی اور ساحلی علاقوں میں واقع مقامات پراسرائیل کے میزائل حملے کو ناکام بنا دیا ہے۔ دوسری طرف شامی فوج نے دو اہلکاروں کے زخمی ہونے کا اعتراف کیا ہے۔
قبل ازیں شامی میڈیا نے یہ اطلاع دی تھی کہ وسطی شہر حمص اور ساحلی شہر طرطوس کی فضائی حدود میں ’’معاندانہ اہداف‘‘ کو روک دیا گیا ہے۔اس کے بعد ان دونوں شہروں کے نزدیک دھماکوں کی آوازیں سنی گئی تھیں۔
شامی فوج نے ایک بیان میں کہا ہے کہ سوموارکی شب بیروت کے شمال سے یہ حملہ کیا گیا تھا اوراس کے فضائی دفاعی نظام نے اس حملے میں استعمال کیے گئے بیشترمیزائلوں کو مارگرایا ہے۔
فوج نے بیان میں مزید کہا ہے کہ اس حملے میں دو فوجی زخمی ہوگئے ہیں اور کچھ مادی نقصان ہوا ہے لیکن اس نے اس مادی نقصان کی مزید کوئی تفصیل نہیں بتائی ہے۔
