اسرائیلی فوج کی جانب سے فلسطین کے مقبوضہ مغربی کنارے اور بیت المقدس میں رات کے اوقات میں وحشیانہ کریک ڈائون کی فلسطینی سیاسی حلقوںکی جانب سے شدید مذمت کی جا رہی ہے۔
مرکز اطلاعات فلسطین کے مطابق الخلیل شہر سے تعلق رکھنے والے فلسطینی رکن پارلیمان نائف الرجوب نے رات کے اوقات میں قابض فوج کی وحشیانہ چھاپہ مار کارروائیوں کو "جنگی جرم” قرار دیا۔
انہوں نے کہا کہ صہیونی فوج ایک منظم حکمت عملی اور پالیسی کے تحت فلسطینیوں کو رات کے اوقات میں ہراساں کرتی ہے۔ رات کے اوقات میں فلسطینیوں کے گھروں میں گھسنا اور شہریوں کو زدو کوب کرنا سنگین جرم ہے جس کی شدید مذمت کی جانی چاہیے۔
انہوں نے مزید کہا کہ اسرائیلی فوج فلسطینیوں پر عرصہ حیات تنگ کرنے کے لیے رات کے اوقات میں ان کے گھروں میں گھس کر انہیں ہراساں کرتی ہے۔
خیال رہے کہ گذشتہ سے پیوستہ شب اسرائیلی فوج نے مقبوضہ بیت المقدس اور غرب اردن میں رات کےاوقات میں چھاپہ مار کارروائیوں میں 32 فلسطینیوں کو حراست میں لے لیا۔
