قابض اسرائیلی حکام نے فلسطین کی تاریخی مسجد ابراہیمی میں نماز جمعہ اور دیگر نمازوں کی ادائی سے روکنے کے لیے فلسطینی نمازیوں پر کڑی پابندیاں عاید کی ہیں۔
کل جمعہ کے روز مسجد ابراہیمی میں مسجد کے انتظامی عملے سمیت کل 15 افراد نے جمعہ کی نماز ادا کی۔ یہ پابندی مسلسل دوسرے ہفتے میں جاری ہے۔
فلسطینی اتھارٹی کی وزارت اوقاف و مذہبی امور کی طرف سے جاری ایک بیان میں کہا گیا ہے کہ صہیونی حکام نے مسجد ابراہیمی میں نمازیوں پر کڑی پابندیاں عاید کر رکھی ہیں۔
رواں ہفتے اسرائیلی فوج نے الخلیل میں قائم مرمتی کمیٹی کو مسجد ابراہیمی کی مرمت کے کاموں سے بھی روک دیا گیا۔ دوسری طرف مسجد ابراہیمی میں فلسطینیوں کا عام نمازوں میں داخلہ ممنوع ہے۔ صہیونی حکام کی طرف سے مسجد کی مرمت اور اس کی صفائی کی ذمہ دار انتطامیہ کو بھی یہ کہہ کر کام سے روک دیا جاتا ہے کہ انہیں مسجد میں کام کی اجازت نہیں۔
