فلسطینی قانون ساز اسمبلی کے ڈپٹی سپیکر احمد بحر کا کہنا ہے کہ فلسطینی سپریم کورٹ کی جانب سے بلدیاتی انتخابات کو ملتوی کرنے کا فیصلہ ایک سیاسی فیصلہ ہے جس کا مقصد بلدیاتی انتخابات کو غیر معینہ مدت کے لئے ملتوی کرنا ہے۔
احمد بحر کا کہنا تھا کہ "فلسطینی اتھارٹی انتخابات کے نتائج سے ڈر کر بلدیاتی انتخابات نہیں منعقد کروانا چاہتی ہے۔ ان کا مزید کہنا تھا کہ انتخابات ایک قومی اور آئینی حق ہے۔
ان کا کہنا تھا کہ ایسا اقدام فلسطینی قومی مفاد میں نہیں ہے۔ بحر نے فلسطینی اتھارٹی اور سیاسی جماعت الفتح سے مطالبہ کیا کہ وہ دوحہ میں ہونے والے قومی مفاہمتی مذاکرات کو بچانے کی کوشش کریں اور ایک متحدہ قومی حکمت عملی اپنائیں۔
