قابض صہیونی فوج نے فلسطین کے مقبوضہ مغربی کنارے کے جنوبی شہر الخلیل سے ایک فلسطینی شہری کو حراست میں لیا ہے جس پر یہودی آباد کاروں اور فوجیوں پر حملوں کی منصوبہ بندی کا الزام عاید کیا گیا ہے۔
مرکزاطلاعات فلسطین کے مطابق صہیونی ملٹری پولیس نے مسجد ابراہیمی کے قریب سے ایک مشتبہ فلسطینی نوجوان کو حراست میں لیا ہے جس کے قبضے سے ایک تیز دھار چاقو اور پستول کی گولیاں برآمد کی گئی ہیں۔
صہیونی فوج کا دعویٰ ہے کہ گرفتار فلسطینی نےابتدائی تفتیش میں بتایا ہے کہ وہ صہیونی فوجیوں اور یہودی آباد کاروں پر حملوں کی منصوبہ بندی کررہا تھا۔
