فلسطین کے مقبوضہ مغربی کنارے کے شمالی شہر نابلس میں بدھ کے روز اسرائیلی فوج نے ایک فلسطینی کار ڈرائیور کو گولیاں مار کر شدید زخمی کردیا۔
مرکزاطلاعات فلسطین کےمطابق اسرائیلی فوج نے نابلس کے جنوب میں حوارہ چوکی کے قریب ایک کار پر گولیاں چلائیں جس کے نتیجے میں کار ڈروائیور زخمی ہوگیا اور کار بھی نقصان پہنچا ہے۔
اسرائیلی فوج نے زخمی ہونے والے کار ڈرائیور کو حراست میں لینے کے بعد نامعلوم مقام پر متنقل کردیا ہے۔
عینی شاہدین نے بتایا کہ فلسطینی شہری پر فائرنگ کے واقعے کے بعد اسرائیلی فوج نے جائے وقوعہ کو گھیرے میں لینے کے بعد کئی گھنٹے تک سیل کردیا تھا۔
عبرانی ویب سائیٹ’ 0404′ کے مطابق اسرائیلی فوجیوںنے فلسطینی کار ڈرائیورکو اس وقت گولی ماری جب اس نے یہودی آباد کاروں کو کچلنے کی کوشش کی تھی۔ فلسطینی شہری کی کار کی ٹکر سے بھاگنے والے تین یہودی زخمی ہوگئے۔
