یمن کی مزاحمتیتنظیم انصار اللہ سے وابستہ یمنی مسلح افواج نے جمعے کے روز اعلان کیا کہ انہوں نےبحیرہ احمر میں ان کمپنیوں کے دو بحری جہازوں کو نشانہ بنایا ہے جو مقبوضہ فلسطین کیبندرگاہوں میں داخلے پر پابندی کے فیصلے کی خلاف ورزی کرتے تھے۔
یمنی انصار اللہ نےجمعہ کے روز اعلان کیا تھا کہ امریکہ اور برطانیہ نے ملک کے مغرب میں ساحلی صوبے حدیدہپر 5 اور یمنی دارالحکومت صنعا کے شمال میں 4 حملے کیے ہیں۔
گروپ نے کہا کہ”4 امریکی-برطانوی چھاپوں نے حدیدہ ہوائی اڈے کو نشانہ بنایا جب کہ ایک اور حملےمیں الصلیف بندرگاہ میں مرسیٰ الجاد کو نشانہ بنایا گیا اور ماہی گیروں کی کشتیوں کونشانہ بنایا گیا”۔
انہوں نے مزید کہاکہ "4 امریکی-برطانوی چھاپوں نے صنعا کے شمال میں بحالی کیمپ کو نشانہ بنایا”۔
انصار اللہ گروپ کےسربراہ عبدالملک الحوثی نے جمعرات کے روز اعلان کیا کہ اس سال کے آغاز سے یمن پر امریکیاور برطانوی بمباری کے نتیجے میں 55 یمنی شہید اور 78 زخمی ہو گئے ہیں۔
الحوثی نے مزیدکہا کہ "ہمارے ملک پر امریکی اور برطانویفضائی اور بحری بمباری کی تعداد اب تک 487 تک پہنچ گئی ہے”۔
انہوں نے زور دے کرکہا کہ "امریکی اور برطانوی جارحیت کی وجہ سے جانی نقصان کے باوجود فلسطینیوں کی حمایت میں ہمارےایمان اور عزم میں کمی نہیں آئے گی۔
