قابض اسرائیلی فوج کی طرف سے فلسطینی شہریوں کی زبردستی مکانات مسمار کرنے کی اجتماعی سزا کا دائرہ القدس اور شمالی فلسطین سے نکل کر مقبوضہ مغربی کنارے تک پھیل گیا ہے۔
مقامی فلسطینی ذرائع کے مطابق کل ہفتے کے روز اسرائیلی فوج نے ایک فلسطینی شہری سے زبردستی اس کا مکان مسمار کرا دیا۔
مقامی فلسطینی ذرائع کے مطابق قابض فوج نے غرب اردن کے جنوبی شہر بیت لحم میں الفردیس کے مقام پر فلسطینی شہری محمود الوحش سےاس کا مکان زطردستی مسمار کرا دیا۔
محمود الوحش نے بتایا کہ اسرائیلی فوج کی جانب سے اسے نوٹس جاری کیا گیا تھا جس میں اسے کہا گیا تھا کہ وہ 60 مربع میٹر پر موجود اپنا مکان اور 40 مربع میٹر پر مویشیوں کا بڑا مسمار کردیں ورنہ مسماری کے عوض اس سے بھاری جرمانہ وصول کیا جائےگا۔
اسرائیلی فوج نے الوحش کو نوٹس جاری کیا کہ اس نےمکان اور مویشیوں کا باڑہ بغیر اجازت کے تعمیر کیا ہے اور اسے فوری طور پرمسمار کیا جائے۔
