اسرائیلی فوج نے دعویٰ کیا ہے کہ بارڈ سیکیورٹی فورسز نے غزہ کی پٹی کی سرحد عبور کر کے سنہ 1948ء کے مقبوضہ علاقوں میں دخل ہونے والے تین فلسطینیوں کو گرفتار کیا گیا ہے۔
عبرانی ذرائع ابلاغ کے مطابق ہفتے کے روز اسرائیلی فوج نے مشرقی غزہ سے یہودی کالونیوں کی طرف آنے والے تین فلسطینیوں کو ‘کفار عزہ ‘ کالونی کے قریب سے حراست میں لے لیا۔
قابض فوج نے تینوں فلسطینیوں کا محاصرہ کرنے کے بعد انہیں گرفتار کیا اور انہیں تفتیش کے لیے اسرائیلی فوج کے انٹیلی جنس یونٹ کے حوالے کر دیا گیا ہے۔
فلسطینی محکمہ امور اسیران کے ایک عہدیدار عبدالناصر فروانہ نے بتایا کہ رواں سال اسرائیلی فوج نے غزہ کی پٹی کی سرحد پار کرنے کے الزام میں 40 فلسطینیوں کو گرفتار کیا ہے۔
