اسرائیلی انٹیلی جنس حکام نے گذشتہ روز شمال مشرقی بیت المقدس میں العیساویہ کے مقام پر تلاشی کے دوران گھر میںنظر بند ایک فلسطینی نوجوان کو حراست میں لینے کے بعد نامعلوم مقام پر منتقل کردیا۔
مقامی فلسطینی ذرائع نے مرکزاطلاعات فلسطین کو بتایا کہ اسرائیلی پولیس اور انٹیلی جنس حکام نے عیساویہ میں چھاپے مارے اور گھر میں نظر بند معتصم حمزہ عبید کو اس کےگھرمیں گھس کر گرفتار کرلیا۔ تلاشی کے دوران قابض حکام نے توڑپھوڑ اور لوٹ مار بھی کی۔
واضح ہے کہ القدس کے فلسطینی باشندوں کی بلاجواز گرفتاریاں اور انہیں گھروں میں نظر بند کرنے کے واقعات صہیونی حکام کا پسندیدہ مشغلہ بن چکے ہیں۔
فلسطینیوںکی گرفتاریوں اور دیگر مکروہ حربوں کا مقصد القدس کے باشندوں کو قبلہ اول سے دور رکھنا ہے۔
