فلسطین کے مقبوضہ مغربی کنارے کے شمالی شہر نابلس میں حوارہ کے مقام پر یہودی آباد کار نے ایک فلسطینی لڑکے کو اپنی گاڑی تلے روند ڈالا جس کے نتیجے میں فلسطینی لڑکا شدید زخمی ہوگیا۔
مقامی ذرائع نے بتایا کہ ایک یہودی آباد کار نے راہ چلتے ایک فلسطینی لڑکے پر گاڑی چڑھا دی جس کے نتیجے میں وہ زخمی ہوگیا۔ زخمی لڑکےکو علاج کے لیے اسپتال منتقل کیا گیا ہے جہاں اس کی حالت خطرے میں بیان کی جاتی ہے۔
خیال رہے کہ فلسطینی علاقوں میں قابض یہودی آباد کاروں کےہاتھوں فلسطینیوں پر حملے اور انہیں گاڑیوںتلے روندے جانے کے واقعات روز کا معمول بن چکے ہیں۔
