اسرائیلی پولیس نے سوموار کی صبح مقبوضہ بیت المقدس میں چھاپے اور گھروں کی تلاشی کے بعد سات فلسطینی نوجوانوں کو گرفتار کر لیا۔
مقامی ذرائع نے کہا کہ اسیران کی شناخت علاء درباس ، فارس درویش، تیسیر محیسن، محمد ابو بکر، عمر العانتی، محمد صلاح الدین اور منتصر صلاح الدین کے ناموں سے ہوئی۔
انہوں نے کہا کہ اسیران کو حزما قصبے ، شعفاط پناہ گزین کیمپ اور العیسویہ قصبے میں انکے گھروں سے اغوا کیا گیا۔
ان تمام نوجوانوں کو ہتھکڑیاں لگا کر متعدد تفتیشی اور حراستی مراکز منتقل کیا گیا ۔
