قابض اسرائیلی فوجیوں نے مغربی کنارے کے مختلف علاقوں میں کاروائیوں کے دوران گذشتہ رات اور جمعرات کی صبح متعدد فلسطینی شہری اغوا کر لیے۔
مقامی ذرائع کے مطابق قابض اسرائیلی فوجیوں نے رام اللہ کے مختلف علاقوں پر ہلہ بولا اور سات شہریوں کو اغوا کر لیا۔
قابض اسرائیلی فوجیوں نے الخلیل میں الفوار پناہ گزین کیمپ ، السمو قصبے، اور سعیر قصبے پر ہلہ بولا اور چار شہریوں کوانکے گھروں سے اغؤا کر لیا جسمیں 16 سالہ محمد عزالدین بھی شامل ہے۔
الخلیل میں اپنی کاروائیوں کے دوران صہیونی فوجیوں نے الخلیل کے جنوبی داخلی دروازوں پر دو قصبوں اذنا اور الظاھریہ کے مرکزی داخلی دروازوں پر فوجی چوکیاں قائم کیں اور فلسطینیوں کی گاڑیوں کو چیک کرنے کے بہانے روکنا شروع کر دیا۔
نابلس میں صہیونی فوجیوں نے دو شہریوں جنکی شناخت حمد مسقاوی اور محمد سمارہ کو شہر سے اغوا کر لیا۔
گذشتہ رات قابض صہیونی فوجیوں نے تین فلسطینی نوجوانوں کو نابلس کے مشرق میں بیت فوریک گزرگاہ سے بٹالہ پناہ گزین کیمپ سے اغوا کر لیا۔
