اسرائیلی پولیس نے بدھ کی شام مقبوضہ بیت المقدس میں الاسباط دروازے سے دو فلسطینی نوجوانوں کو اغوا کر لیا اور شہر کے کچھ حصے بند کر دئیے۔
مقامی ذرائع نے کہا کہ اسرائیلی پولیس نے محمد زغیر اور محمد نجیب کو مسجد اقصیٰ کے مرکزی دوازوں میں سے ایک الاسباط دروازے سے اغوا کیا ۔
واقعے کے فورا بعد پولیس نے المغاربہ دروازے اور سلوان قصبے کی جانب جاتے دروازے بند کر دئیے۔
مقبوضہ بیت المقدس میں گذشتہ دو دنوں سے گرفتاریوں، بندش کی کاروائیوں میں اضافہ ہوا ہے ۔
اسی دوران بیت المقدس سے تعلق رکھنے والے بہت سے سماجی کارکنوں نے فلسطینیوں سے مسجد اقصیٰ میں مقدس مقام کی حفاظت اور آبادکاروں کی کاروائیوں کو روکنے کے لیے اپنی موجودگی کو بڑھانے پر زور دیا ۔
