قابض اسرائیلی پولیس نے فلسطین کے مقبوضہ بیت المقدس میں باب الاسباط کے مقام پر جراثیم کش اسپرے چھڑکنے والے چار فلسطینیوں کو حراست میں لے لیا۔
اسرائیلی پولیس نے نہ صرف چار فلسطینیوں کو حراست میں لیا بلکہ ان کے پاس موجود اسپرے بھی قبضے میں لے لیے۔ حراست میں لیے جانے کے بعد انہیں بیت المقدس میں باب الخلیل میں قائم القشلہ پولیس سینٹر منتقل کردیا گیا۔
خیال رہے کہ صہیونی فوج اور پولیس انسداد کرونا مہم کی آڑ میں فلسطینی شہریوں پرعرصہ حیات تنگ کیے ہوئےہے۔ فلسطینی نوجوانوں کی آئے روز بلا جواز گرفتاریاں اور انہیں تشدد کا نشانہ بنا کر انہیں خوف زدہ کرنے کی مذموم کوشش کی جا رہی ہے۔
