قابض صہیونی فوج نے فلسطین کے تاریخی شہر بیت المقدس کے مشرقی علاقے سلوان میں ایک فلسطینی شہری کا مکان مسمار کردیا۔
فلسطینی نیوز ایجنسی ‘صفا’ کے مطابق اسرائیلی فوج، پولیس اور اسرائیلی بلدیہ کے اہلکاروں کی بھاری نفری نے سلوان کے مقام پر فلسطینی شہری یزید خلایلہ کے مکان کا محاصرہ کیا۔ قابض فوج نے گھر میں موجود تمام افراد کو باہر نکالا اور گھر میں موجود سامان باہر پھینکنے کے بعد بھاری مشینری سے مکان مسمار کردیا۔
