اسرائیل کی انتہا پسند یہودتی تنظیموں اور قبلہ اول کی جگہ مزعومہ ہیکل سلیمانی کے قیام کی پرچارک تنظیموں کے اتحاد نے عیدالاضحیٰ پر یہودی آباد کاروں سے اپیل کی ہے کہ وہ مسجد اقصیٰ میں داخل ہو کر مذہبی رسومات ادا کریں۔
مرکزاطلاعات فلسطین کے مطابق یہودی تنظیموں کی طرف سے یہ اپیل ایک ایسے وقت میں کی گئی ہے جب دوسری جانب مسلمان عیدالاضحیٰ کی آمد کی تیاریاں کررہے ہیں۔ عیدالاضحیٰ کے روز یہودی شرپسندوں کو قبلہ اول پردھاوے بولنے کی دعوت دینا فلسطینیوں بالخصوص مسلمانوں سے نفرت کا کھلا ثبوت ہے۔
یہودی آباد کاروں کی طرف سے یہ مذہبی اشتعال انگیزی سوشل میڈیا کے ذریعے جاری کردہ بیانات کی شکل میں سامنے آئی ہے۔ یہودی گروپوں کی طرف سے اپیل کی گئی ہے کہ آباد کار عید الاضحی کے موقع پر’جبل ہیکل’ یعنی مسجد اقصیٰ میں گھس کر مذہبی رسومات ادا کریں۔
