فلسطین کے مقبوضہ مغربی کنارے کے مشرق میں واقع وادی اردن میں یہودی آباد کاروں نے خلۃ العقدۃ اور السویدۃ کے مقام پر فلسطینیوں کی سیکڑوں قیمتی زرعی اراضی پر قبضہ کر لیا۔
انسانی حقوق کے کارکن عارف دراغمہ نے مرکز اطلاعات فلسطین کو بتایا کہ یہودی آباد کاروں نے فلسطینیوں کی مغصوبہ اراضی پر قبضے کے بعد اسے خار دار تاروں کی مدد سے بند کر دیا۔
خیال رہے کہ یہودی آباد کاروں کی طرف سے فلسطینیوں کی قیمتی اراضی پر غاصبانہ قبضہ اور ان کی دیگر املاک غصب کرنا روز کا معمول بن چکا ہے۔ صہیونی فوج آئے روز وادی اردن میں مشقوں کی آڑ میں فلسطینی اراضی میں داخل ہو جاتی ہے جب کہ یہودی آباد کاربھی اسرائیلی فوج اور پولیس کی فول پروف سیکیورٹی میں فلسطینیوں کی املاک پر قبضہ کر لیتے ہیں۔
