قابض صہیونی فوج نے رواں ہفتے غرب اردن میں ایک مزاحمتی کارروائی میں دو یہودی آباد کاروں کو ہلاک کرنے والے فلسطینی کی وسیع پیمانے پر تلاش شروع کی ہے۔ مرکز اطلاعات فلسطین کے مطابق آج بدھ کو قابض صہیونی ریاست کی جانب سے کریک ڈائون میں 24 فلسطینیوں کو حراست میں لیا گیا ہے۔
مرکزا طلاعات فلسطین کے مطابق بدھ کے روز اسرائیلی فوج نے غرب اردن کے شمالی شہر طولکرم میں قصبوں، پناہ گزین کیمپوں، شہری کالونیوں اور یہودی کالونیوں کے اطراف میں "برکان” کالونی میں دو یہودیوں کو جھنم واصل کرنے والے فلسطینی کی تلاش کے لیے چھاپے مارے گئے۔
نامہ نگاروں کے مطابق بدھ کو علی الصباح غرب اردن کے شمالی شہر نابلس، جنوبی شہروں الخلیل، قلقیلیہ اور بیت لحم میں گھر گھر تلاشی کی کارروائیوں میں کئی فلسطینیوں کو حراست میں لے لیا گیا۔
تلاشی کی کارروائیوں کی آڑ میں گھروں میں گھس کر لوٹ مار اور توڑپھوڑ کی گئی۔ نابلس میں المعاجین کالونی میں چھاپہ مار کارروائی کے دوران ڈاکٹر نصر شریم کے گھر پر چھاپہ مارا گیا اور ان کی اہلیہ فیروز نعالوۃ سے پوچھ تاچھ کی گئی۔
تین فلسطینیوں کو الخلیل کے نواحی علاقے بیت کاحل اور بیت امر سے حراست میں لیا گیا۔ بدھ کے روز حراست میں لیے گیے فلسطینیوں کی شناخت ربیع محمد ابو ربیعہ، کمال ابدو، مھمود البدو، سلیمان عزام ابو شیخہ، حسام عزام ابو شیخہ، طارق زید، نائل عویص، احمد قوزح، اوس عبید، کرم مروان دحیلیہ، محمد احمد دحیلیہ، محمد عماد ناقوری، یحییٰ السمحان،محمد الشخشیر، براء لوئی یوسف اورلیث سامی عواد کے ناموں سے کی گئی ہے۔
