اسرائیلی جیل میں قید دوفلسطینی شہریوں کو ان کی مدت حراست مکمل ہونے کے بعد کل جمعرات کو رہا کردیا گیا۔
مرکزاطلاعات فلسطین کے مطابق اسیرمحمد مازن دویکات کو 16 ماہ کے بعد رہا کیا گیا۔ دویکات کا تعلق غرب اردن کے شمالی شہر نابلس سے ہے۔
قابض فوج نے مازن دویکات کو دسمبر 2016ء کو حراست میں لیا تھا۔ اسے 16 ماہ قید اور 5000 شیکل جرمانہ کی سزا سنائی گئی تھی۔
دوران حراست دویکات کو مجرمانہ طورپر تشدد کا نشانہ بنائے جانے کے بعد اس کی آنکھوں کو لاحق بیماری کے علاج میں لاپرواہی برتی گئی جس کے نتیجے میں اس کی بینائی بری طرح متاثر ہوئی ہے۔
درایں اثناء اسرائیلی فوج نے مشرقی نابلس کےبلاطہ کیمپ کے رہائشی سامی ابو حمادہ کو 15 سال کی اسیری کے بعد رہا کیا۔
ابوحمادہ کو اسرائیلی فوج نے نو مارچ 2003 کو حراست میں لیا تھا اور ان پر دوسری تحریک انتفاضہ کے دوران مزاحمتی سرگرمیوں میں حصہ لینے اور شہداء الاقصیٰ بریگیڈ سے تعلق کے الزام میں پندرہ سال قید کی سزا سنائی گئی تھی۔
حمادہ کے چار دیگر بھائی عامر ، ایاد، حمودہ اور محمد امین ابو حمادہ بھی جیلوں میں قید رہے ہیں۔ دوران حراست ان کی اپنے بھائیوں سے بھی ملاقات ہوتی رہی ہے تاہم کئی سال تک ان کے اہل خانہ سے انہیں ملنے کی اجازت نہیں دی گئی۔
