اسرائیل کے عبرانی اخبارات کے مطابق اسرائیلی داخلی سلامتی کے حکام نے صہیونی ریاست کے بائیکاٹ میں سرگرم امریکی یہودیوں کی ایک تنظیم کے ارکان کر تل ابیب داخلے سے روک دیا گیا ہے۔
عبرانی اخبار’ہارٹز‘ نے اپنی رپورٹ میں بتایا کہ امریکا میں سرگرم امریکی یہودیوں کے ایک گروپ ’وائس آف جیوش فار پیس‘ کے ارکان تل ابیب پہنچنا چاہتے تھے مگر صہیونی وزارت داخلہ نے انہیں تل ابیب میں داخل ہونے سے روک دیا۔
اخباری رپورٹ کے مطابق امریکی یہودیوں کے اس گروپ کے اسرائیل میں داخلے پر پابندی کی وجہ تنظیم کی جانب سے اسرائیل کے بائیکاٹ کے لیے جاری عالمی تحریک کی حمایت ہے۔ اس تنظیم نے امریکا میں اسرائیلی بائیکاٹ کے لیے ہونے والی سرگرمیوں میں حصہ لینے کے ساتھ ساتھ خود بھی بائیکاٹ کیا ہے۔
عبرانی اخبار کے مطابق وائس آف جیوش فار پیس ان 20 امریکی گروپوں میں شامل ہے جن کے اسرائیل میں داخلے پر پابندی عاید ہے۔
