کل منگل کو اسرائیلی فوج نے مقبوضہ بیت المقدس میں یہودی آباد کاروں کے اشتعال انگیز فلیگ مارچ کے موقعے پر اس کو شرکا کو سیکیورٹی فراہم کرنے کی آڑ میں پورے بیت المقدس کو چھائونی میں تبدیل کردیا۔
مرکزاطلاعات فلسطین کے مطابق یہودی آباد کاروں کو سیکیورٹی فراہم کرنے کے لیے قابض اور پولیس کی بھاری نفری نے شہر کی تمام اہم شاہرایں بند کردیں۔
عینی شاہدین نے بتایا کہ آباد کاروں کی سیکیورٹی کےلیے قابض فوج نے پرانے بیت المقدس کے باب العامود اور اس کے اطراف کو رکاوٹیں کھڑی کرکے سیل کردیا۔ اس کےعلاوہ القدس کی شاہراہ نابلس، باب الساھرہ، باب الخلیل، باب نبی دائود کو ملانے والے راستے اور شاہراہ سلطان سلیمان کو بھی سیل کردیا گیا۔
ادھر اسرائیلی فوج نے کل منگل کو بیت المقدس میں باب العامود کےمقام پر سڑک پر چلنے والے متعدد نوجوانوں کو گرفتار کرلیا۔
قابض فوج نے بیت المقدس کے تاجروں سے بھی زبردستی دکانیں مسمار کرا دیں۔
یہودی آباد کاروں کے فلیگ مارچ کے لیے شام ساڑھے پانچ بجےکا وقت مقرر ہے جب کہ قابض فوج نے القدس کو پورا دن سیل کیے رکھا۔
