اسرائیلی حکام نے دھمکی دی ہے کہ اگر فلسطینی اتھارٹی کی طرف سے دو سال قبل کے بجلی کے واجبات ادا نہ کیے تو آئندہ ہفتے سے غرب اردن کے علاقوں کو فراہم کی جانے والی بکلی بند کردی جائے گی۔
عبرانی ٹی وی چینل ’کے اے این‘ کی رپورٹ میں کہا گیا ہے کہ اسرائیلی حکام نے فلسطینی اتھارٹی کو پیغام دیا ہے کہ وہ واجبات ادا کرے ورنہ آئندہ ہفتے روزانہ 4 گھنٹے کی لوڈ شیڈنگ کی جائے گی اور لوڈ شیڈنگ آئندہ سال مارچ تک جاری رہے گی۔
ٹی وی چینل کی رپورٹ کے مطابق فلسطینی اتھارٹی کے ذمہ بجلی کے ایک ارب شیکل باقی ہیں۔ یہ رقم امریکی کرنسی میں 15 کروڑ 70 لاکھ ڈالر بنتی ہے۔
خیال رہے کہ فلسطینی اتھارٹی اسرائیل سے بجلی حاصل کرتی ہے۔ فلسطینیوں کو دی جانے والی اسرائیلی بجلی کا کچھ حـصہ اسرائیل کی سرکاری پاور ڈسٹری بیوشن کمپنی جبکہ کچھ نجی کمپنیوں کے ذریعے دی جاتی ہے۔
