فلسطین کےعلاقےغزہ کی پٹی میں گذشتہ روز فوجی پریڈ کے دوران زور دار دھماکوں کے نتیجے میں کم سے کم ایک فلسطینی مزاحمت کار شہید اور کم سے کم دو زخمی ہو گئے ہیں۔
مرکزاطلاعات فلسطین کے مطابق غزہ میں طبی ذرائع کی جانب سے جاری کردہ ایک بیان میں کہا گیا ہے کہ مشرقی غزہ کی پٹی میں فوجی پریڈ کے دوران ہونے والے دھماکے میں 30 سالہ مازن محمد لولو شہید اور دو مزاحمت کار زخمی ہو گئے۔ زخمی ہونے والے دونوں کارکنوں کو شمالی غزہ میں انڈونیشین اسپتال میں داخل کیا گیا ہے۔۔
ادھر اسلامی جہاد کی جانب سے جاری کردہ ایک بیان میں کہا گیا ہے کہ شہید لولو اس کے اہم کمانڈر تھے جو غزہ کی پٹی میں جماعت کے عسکری ونگ کے تحت مزاحمتی کارروائیوں کے انچارج تھے۔
