اقوام متحدہ کے سیکرٹری جنرل انتونیو گوٹریس نے میانمار کے مسلم اکثریتی علاقے روہنگیا میں مسلمان آبادی کی نسل کشی اور اجتماعی قتل عام کی شدید مذمت کرتےہوئے نہتے مسلمانوں کا قتل عام بند کرنے کا مطالبہ کیا ہے۔
مرکزاطلاعات فلسطین کے مطابق اقوام متحدہ کے سیکرٹری جنرل نے ایک بیان میں کہا ہے کہ میانمار حکومت کی جانب سے روہنگیا مسلمانوں کے قتل عام کے لرزہ خیز واقعات پرانہیں شدید دکھ پہنچایا ہے۔ انہوں نے سلامتی کونسل کو بتا دیا ہے کہ وہ روہنگیا میں مسلمان آبادی کی جاری نسل کشی کا سلسلہ فوری بند کرائے۔
اقوام متحدہ کے سیکرٹری جنرل کا کہنا تھا کہ اراکان کی مغربی ریاست روہنگیا میں مسلمانوں کا بہیمانہ قتل عام اور نسل کشی کسی صورت میں قابل قبول نہیں۔ عالمی برادری کو اس مسئلے کا فوری حل نکالنے کے لیے موثر اقدامات کرنا ہوں گے۔ ان کا کہنا تھا کہ وہ توقع نہیں رکھتے کہ میانمار میں مسلمانوں پر مظالم کا سلسلہ اس حد تک پہنچ جائےگا۔
