جامعہ الازہر کے سربراہ الشیخ ڈاکٹر احمد الطیب نے کہا ہے کہ مصر کی معروف درس گاہ فلسطینی قیادت کے ساتھ مل کر قاہرہ میں القدس الشریف کے حوالے سے ایک وسیع البنیاد اسلامی کانفرنس منعقد کرے گی۔ انھوں نے اس امر کا اعلان کرتے ہوئے کہا کہ وہ فلسطینی عوام کی جدوجہد، حقوق اور مزاحمت کی پرزور حمایت کرتے ہیں۔
اسلامی تحریک مزاحمت (حماس) کے سیاسی شعبہ کے سربراہ اور سابق وزیر اعظم اسماعیل ہنیہ نے شیخ الازہر سے ٹیلی فونک رابطہ کیا ہے جس میں فلسطینی رہنما نے الازہر الشریف کی جانب سے امریکی نائب صدر کے ساتھ ملاقات کے انکار پر مبنی موقف کو سراہا گیا ہے۔ ملاقات سے انکار امریکا کی جانب سے بیت المقدس کو اپنی اسرائیلی ریاست کا درالحکومت قرار دینے سے متعلق اعلان پر بطور احتجاج کیا گیا ہے۔
شیخ احمد الطیب نے امریکی نائب صدر مائیک پینس سے رواں مہینے کے اواخر میں پہلے سے پروگرام کے مطابق ملاقات کرنا تھی لیکن واشنگٹن کی جانب سے اپنا سفارتخانہ مقبوضہ بیت المقدس منتقل کرنے کے اعلانات کے بعد انھوں نے یہ طے شدہ ملاقات کرنے سے انکار کر دیا۔ نیز انھوں نے اسرائیلی فیصلے کو شرعی اور قانونی اعتبار سے باطل بھی قرار دیا ہے۔
