فلسطین کےمقبوضہ مغربی کنارے کے مختلف شہروں میں اسرائیلی فوج کی غنڈہ گردی جاری ہے۔ گذشتہ روزشمالی شہرجنین میں قابض فوج نے پُرامن احتجاج کرنے والے فلسطینیوں پر ربڑی کے خول میں لپٹی دھاتی گولیوں کا استعمال کیا جس کے نتیجے میں 5 فلسطینی زخمی ہوگئے۔
مرکزاطلاعات فلسطین کے مطابق غرب اردن کے شمالی شہرجنین کے برقین قصبے میں اسرائیلی فوج نےفلسطینیوں کی دکانوں پرچھاپے اور دکانوں پر لگے خفیہ کیمرے اور ان میں کی گئی ریکارڈنگ ضبط کر لی۔
اس موقع پرفلسطینی شہریوں نے احتجاج کیا تو قابض فوج نے ان پر آنسوگیس کی شیلنگ کی اور ربڑ کی گولیوں کا استعمال کیا۔
