قابض اسرائیلی فوج نے فلسطین کے علاقے غزہ کی پٹی کے جنوبی شہرخان یونس میں بلا اشتعال فائرنگ کی جس کے نتیجے میں دو فلسطینی زخمی ہوگئے۔
مرکزاطلاعات فلسطین کے نام نگار کے مطابق صہیونی فوج نے مشرقی خان یونس میںخزاعہ کے مقام پر فلسطینی شہریوں پر گولیاں چلائیں جس کے نتیجے میں دو فلسطینیوں کو درمیانے درجے کے زخم آئے ہیں۔
دونوں زخمیوں کو اسپتال منتقل کردیا گیا ہے جہاں ان کی حالت خطرے سے باہر بیان کی جاتی ہے۔
