فلسطین کے مقبوضہ مغربی کنارے کے شمالی شہر نابلس میں یہودی آباد کاروں کے ایک ٹولے نے ایک نہتی عمر رسیدہ شہری پر قاتلانہ حملہ کرکے اسے شدید زخمی کر دیا۔
مرکزاطلاعات فلسطین کے مطابق مقامی سماجی کارکن غسان دغلس نے بتایا کہ یہودی اشرار نے 70 سالہ مفید شاکر حجی کو نابلس کے مشرق میں برقہ کےمقام پر تشدد کا نشانہ بنایا، جس کے نتیجے میں وہ شدید زخمی ہو گئے۔
غسان دغلس کا کہنا تھا کہ یہودی آباد کاروںنے حجی کو اس وقت تشدد کانشانہ بنایا جب وہ اپنی بکریوں کے پاس تھے۔ فلسطینی شہری کو زخمی حالت میں اسپتال منتقل کردیا گیا ہے جہاں اس کی حالت خطرے میں بیان کی جاتی ہے۔
مقامی ذرائع کا کہنا ہے کہ مفید الحجی کے سر اور جسم کے دیگر حصوں میں گہرے زخم آئے ہیں۔
