فلسطین کے مقبوضہ مغربی کنارے کے جنوبی شہر بیت لحم میں اسرائیلی فوج نے ایک فلسطینی نوجوان کی گرفتاری کے وقت اسے وحشیانہ تشدد کا نشانہ بنایا۔
فلسطینی محکمہ امور اسیران کی طرف سے جاری کردہ ایک بیان میں کہا گیا ہے کہ 21 سالہ فلسطینی عمار محمد شکارنہ کو 15 صہیونی فوجیوں نے وحشیانہ تشدد کا نشانہ بنایا۔
بیان میں کہا گیا ہے کہ 24 جنوری کو 15 اسرائیلی فوجیوںنے وسط شب کو عمارشکارنہ کے مکان پر چھاپہ مارا اور گھر میں گھس کو لوٹ مار اور توڑ پھوڑ کی۔ قابض فوجیوںنے نہتے فلسطینی عمار شکارنہ کو وحشیانہ جسمانی تشدد کا نشانہ بنایا جس کے نتیجے میں وہ زخمی بھی ہوا۔ بعد ازاں اسے ہاتھ پائوں باندھ کر فوجی گاڑی میں ڈالا اور آنکھوں پر پٹی باندھ کر ‘عتصیون’ عقوبت خانے میں منتقل کر دیا گیا۔
مرکز اطلاعات فلسطین کے مطابق حراستی مرکز میں بھی 15 صہیونی جلادوںنے فلسطینی نوجوان پر بد ترین تشدد کیا۔
