لیبیا کے ملٹری پراسیکیوٹر نے باغی فوج کے سربراہ جنرل خلیفہ حفتر اور تین دیگر عہدیداروں کوحراست میں لینے کا حکم دیا ہے۔
مرکزاطلاعات فلسطین کے مطابق جنرل ریٹائرڈ خلیفہ حفتراور اس کےساتھیوں پر شہریوں کے اغواء اور تشدد کے ذریعے قتل کا الزام عاید کیا گیا ہے۔
ملٹری پراسیکیوٹرنے ایک بیان میں کہا ہے کہ باغی ملیشیا کے سربراہ جنرل ریٹائرڈ خلیفہ حفتر، بریگیڈیئر ریٹائرڈ عون الفرجانی اور کرنل ریٹائرڈ عبدالرزاق الناظوری اور الشارف مسعود مسعود ضو کو حراست میں لینے کا حکم دیا گیا ہے۔
خلیفہ حفتر کی گرفتاری کا حکم حسام ابو عجیلہ، ابو عجیلہ علی محمد، مہند ابو عجیلہ، حمزہ عمار اور حسام ابو عجیلہ نامی شہریوں کے اغواء کے اور ان کے قتل کی شکایت پردیا گیا ہے۔
