ملائیشیا کی حکومت نے فلسطین کے علاقے غزہ کی پٹی پر اسرائیلی فوج کی وحشیانہ بمباری کو ننگی جارحیت قرار دیا ہے۔
مرکزاطلاعات فلسطین کے مطابق اسرائیلی فوج نے غزہ کی پٹی پر وحشیانہ بمباری کرکے نہتے فلسطینیوں کو شہید اور زخمی کیا ہے۔
ملائیشیا کی وزارت خارجہ کی طرف سے جاری ایک بیان میں کہا گیا ہے کہ غزہ کی پٹی پراسرائیلی فوج کی ننگی جارحیت بین الاقوامی کی صریح خلاف ورزی ہے۔
بیان میں کہا گیا ہے کہ ملائیشیا فلسطینی قوم کے حقوق کی حمایت، غزہ کی ناکہ بندی کے خاتمے کے مطالبے پر قائم ہے۔ غزہ کی پٹی پر اسرائیلی ریاست کی طرف سے مسلط کی گئی ناکہ بندی دو ملین لوگوں کو اجتماعی سزا دینے کے مترادف ہے۔
خیال رہے کہ گذشتہ ہفتے اسرائیلی فوج کی طرف سے غزہ کی پٹی پر مسلط کی گئی جارحیت کے نتیجے میں 35 فلسطینی شہید اور 111 زخمی ہوگئے تھے۔
