مشرق وسطیٰ کے لیے اقوام متحدہ کے نائب مندوب جیمی میک گولڈریک غرب اردن کے راستے گذشتہ روز جنگ زدہ علاقے غزہ پہنچے جہاں انہوں نے امن وامان کی صورت حال کا جائزہ لیا۔
فلسطینی گذرگاہ امور کے حکام کا کہنا ہے کہ میک گولڈریک اور گذشتہ روز شمالی غزہ کی بیت حانون گذرگاہ سے غزہ داخل ہوئے۔
غزہ کے دورے کے دوران فلسطینی اتھارٹی کے ہاں متعین ڈنمارک کےسفیر اور اقوام متحدہ کے ادارہ برائے انسانی حقوق’اوچا’ کے حکام بھی ان کے ہمراہ تھے۔
غزہ کی پٹی کے دورےکے دوران فلسطینی حکام کی طرف سے اقوام متحدہ کے نائب مندوب کو علاقے کی سماجی، امن وامان کی صورت حال اور فلسطین میں انتخابات کی تیاریوں پر تبادلہ خیال کیا گیا۔
خیال رہے کہ قطر اور اقوام متحدہ غزہ کی پٹی میں اسرائیل اور فلسطینی دھڑوں کے درمیان جنگ بندی کومستحکم کرنے کی کوشش کررہے ہیں۔ اقوام متحدہ کے مندوبین کے غزہ کی پٹی کے دورے کا مقصد غزہ میں جنگ بندی کو آگے بڑھانا ہے۔
