ترکی نے عرب لیگ کی طرف سے لیبیا کے دارالحکومت طرابلس پر خلیفہ حفتر کی قیادت میں سرگرم باغی فوج کی طرابلس پر چار اپریل سے جاری چڑھائی پر خاموشی کو ترکی نے شدید تنقید کا نشانہ بنایا۔
عراق کی زیرصدارت عرب لیگ کےاجلاس میں لیبیا میں غیرملکی مداخلت کی مذمت کی گئی تھی جس پر ترکی نے سخت برہمی کا اظہار کیا ہے۔ عرب لیگ میں لیبیا کے مندوب نے سخت برہمی کا اظہار کیا کہا ہے کہ عرب لیگ دوہرے معیار پرچل رہی ہے۔
ترک وزارت خارجہ کی طرف سے جاری ایک بیان میں کہا گیا ہےکہ لیبیا کے حوالے سے سلامتی کونسل اور اقوام متحدہ کے طے شدہ فیصلوں کے برعکس عرب ممالک لیبیا میں اپنی مرضی کے فیصلے مسلط کررہے ہیں۔
خلیفہ حفتر کی فوج کا طرابلس پرحملہ جارحیت ہے اور عالمی برادری کے فیصلوں اور اصولوں کی کھلی خلاف وروزی ہے۔
ترکی نے واضح کیا ہے کہ لیبیا کی قومی وفاق حکومت کی مدد ترکی کی ذمہ داری ہے اور انقرہ اپنی اس ذمہ داری کو ایک مسلمان برادر ملک کی حیثیت سے پورے کرے گا۔
