آبادکاروں کے ایک گروپ نے پیر کی سہ پہر مقبوضہ مغربی کنارے میں نابلس کے جنوب میں واقع عصیرۃ القبلیہ قصبے میں فلسطینیوں کی ملکیتی زرعی اراضی کو آگ لگا دی۔
عصیرۃ القبلیہ دیہی کونسل کے سربراہ حافظ صالح نے تصدیق کی کہ یہودی آباد کاروں نے "یتسہار” کی غیر قانونی بستی سے قصبے کے مشرقی علاقے پر حملہ کیا اور مقامی گھروں پر حملے کی کوشش کرنے سے پہلے زرعی زمینوں کو آگ لگا دی۔
مقامی باشندے آباد کاروں کا مقابلہ کرنے اور انہیں قصبہ چھوڑنے پر مجبور کرنے میں کامیاب ہو گئے۔
تاہم اسرائیلی فوج نے قصبے میں ہنگامہ برپا کر دیا اور رہائشیوں پر آنسو گیس کے بموں سے حملہ کیا۔
