بلیز کی حکومت نے منگل کو اسرائیل سے سفارتی تعلقات منقطع کرنے کا اعلان کیا، جس کے بعد وہ اسرائیل سے تعلقات ختم کرنے والا دوسرا لاطینی امریکی ملک بن گیا۔
خبر رساں ادارے اے ایف پی کے مطابق بلیز نے اسرائیل کی جانب سے غزہ پر ’ نہ رکنے والی بلاتفریق بمباری‘ پر سفارتی تعلقات منقطع کرتے ہوئے اسرائیلی سفیر کے خیر مقدم سے پیچھے بھی ہٹ گیا۔
بلیز کا موقف ہے کہ اسرائیل نے سات اکتوبر کے بعد سے ’مستقل عالمی قوانین کی خلاف ورزی‘ کی ہے۔
غزہ پر اسرائیل کے حملے کے بعد سے اس سے بولیویا، کولمبیا، چلی اور ہونڈوراس نے سفارتی تعلقات توڑ لیے ہیں۔
