اسلامی تحریک مزاحمت [حماس] کے سیاسی بیورو کے سربراہ اسماعیل ہنیہ نے کل شام جماعت کے عسکری ونگ عزالدین القسام بریگیڈ کے اسیر کمانڈر مجاھد محمود عیسیٰ کی والدہ کی وفات پر ان کے خاندان سے تعزیت کا اظہار کیا۔
اسماعیل ھنیہ نے ٹیلیفون پر بات کرتے ہوئے محمود عیسیٰ کے اہل خانہ سے اسیر کی ماں کی وفات پر افسوس اور دکھ کا اظہار کیا۔ انہوں نے لواحقین کے لیے صبر جمیل کی دعا کی۔
اسماعیل ھنیہ نے کہا کہ اسیر محمود عیسیٰ کی والدہ الحاجہ عائشہ نے صبر، ایثار اور قربانی کا نمونہ پیش کیا۔ جب انہوں نے اپنا گھر مجاہدین اور المرابطین کے لیے کھول دیا۔ ان کا بیٹا بھی ایثار ، قربانی اور شجاعت وبہادری کا پیکر ہے۔
