اسلامی تحریک مزاحمت ’حماس‘ کے سیاسی شعبے کے سربراہ اسماعیل ھنیہ کی قیادت نے جماعت کے اعلیٰ اختیاراتی وفد نے گذشتہ روز تہران میں جماعت دعوت واصلاح کی قیادت سے ملاقات کی۔
مرکزاطلاعات فلسطین کے مطابق اسماعیل ھنیہ کی قیادت میں حماس کے وفد نے ایران کی جماعت دعوت واصلاح کے سیکرٹری جنرل عبدالرحمان البیرانی سے ملاقات کی۔ اس موقعے پرتحریک دعوت کے دیگر سرکردہ رہ نما بھی موجود تھے۔
اسماعیل ھنیہ نے فلسطین اور قضیہ فلسطین کی موجودہ صورت حال، معرکہ سیف القدس، فلسطینی قوم کی مدد کے لیے مسلم امہ کی فکری اور سیاسی خدمات، اسرائیلی ریاست کے مظالم کے خلاف فلسطینیوں کے اقدامات، فلسطین میں یہودی آباد کاری، توسیع پسندی، مسجد اقصیٰ کی بے حرمتی اور اس کی زمانی اور مکانی تقسیم کی سازش کے بارے میں بریفنگ دی۔
اسماعیل ھنیہ نے بتایا کہ فلسطینی قوم اپنے اصولی، دیرینہ اور مسلمہ حقوق کے حصول کے لیے ثابت قدم ہیں اور قابض دشمن کے خلاف جدو جہد جاری رکھیں گے۔
اس موقعے پرعلامہ عبدالرحمان البیرانی نے کہا کہ قضیہ فلسطینی ایرانی قوم کے لیے انتہائی اہمیت کا حامل ہے اور ایران کےتمام مذہبی، سیاسی اور فکری دھارے فلسطینی قوم کے منصفانہ حقوق دلانے کو اپنی دینی، اخلاقی اور انسانی ذمہ داری سمجھتے ہیں۔
