غزہ میں فلسطینی وزارت داخلہ کی طرف سے جاری ایک بیان میں کہا گیا ہے کہ اسرائیلی فوج کی تین روز سے جاری بمباری کے نتیجے میں غزہ کے علاقے میں پولیس، پاسپورٹ سکٹر کے تمام دفاتر کو زمین بوس کردیا گیا ہے۔
غزہ میں وزارت داخلہ کے ترجمان ایاد البزم نے بتایا کہ اسرائیلی فوج نے غزہ کی پٹی میں غزہ شہر اور خان یونس شہروں کوخصوصی طور تباہ کن بمباری سے نشانہ بنایا ہے۔ بمباری میں غزہ کی پٹی میں پولیس کے تمام مراکز تباہ ہوچکے ہیں۔
انہوں نے بتایا کہ اسرائیلی فوج نے جنوب مشرقی غزہ میںپولیس ہیڈ کواٹر اور اس سے ملحقہ کئی رہائشی عمارتوں کو بمباری کا نشانہ بنایا جس کے نتیجے میں بڑے پیمانے پر جانی اور مالی نقصان ہوا ہے۔
ایاد البزم کا کہنا تھا کہ اسرائیلی بمباری کے نتیجے میں دفاتر تباہ ہونے کے باوجود پولیس اہلکار اپنی ذمہ داریاں انجام دے رہے ہیں۔
