مصری حکومت نے فلسطینی دھڑوں میں مصالحت کے عمل میں معاونت جاری رکھنے کے عزم کا اعادہ کیا ہے۔ دوسری طرف اسلامی تحریک مزاحمت ‘حماس’ نے مصری کوششوں کا خیر مقدم کیا ہے۔
مرکز اطلاعات فلسطین کے مطابق حماس کے سیاسی شعبے کے سربراہ اسماعیل ھنیہ کے ترجمان طاہر نونو نے کہا کہ حماس مصر کی طرف سے فلسطینی دھڑوں میں مصالحتی کوششوں میں معاونت کا خیر مقدم کرتی ہے۔
طاہر نونوکا کہنا تھا کہ حماس نے ماضی اور حاضر میں مصر کی مصالحتی کوششوں کا مثبت جواب دیا اور کے فلسطینی دھڑوں میں تفریق ختم کرنے اور قومی سیاسی شراکت کے حصول کے لیے کوششیں جاری رکھے گی۔
خیال رہے کہ گذشتہ روز فلسطینی صدر محمود عباس نے قاہرہ میں مصری ہم منصب عبدالفتاح السیسی سے ملاقات کی۔
اس موقع پر صدر السیسی قضیہ فلسطین کا منصفانہ حل پہلی ترجیح ہے۔
صدر السیسی کا کہنا تھا کہ ان کی حکومت فلسطینی دھڑوں میں مصالحت میں معاونت کے لیے ہرممکن کوشش کرے گی۔
