ترکی کے صدر رجب طیب ایردوآن نے امریکا کی طرف سے روس کے فضائی دفاعی نظام’ایس 400′ کے ترکی میں تجربات پر تشویش کو مسترد کر دیا ہے۔ ترک صدر نے کہا ہے کہ ہمیں کسی کی دھمکیوں کی کوئی پرواہ نہیں۔ ہم امریکا کو چیلنج کرتے ہیں کہ روس سے خریدا گیا ‘ایس 400’ دفاعی نظام ملک کےدفاع کے لیے استعمال کریں گے۔
انہوں نے کہا کہ امریکیوں کو ابھی تک یہ معلوم نہیں ہوسکا کہ ان کا واسطہ کس سے پڑا ہے۔
ترک صدر کا کہنا تھا کہ امریکا نے چند سال قبل ترکی کو ڈرون طیاروں کی فراہمی میں ٹال مٹول کی مگر ہم نے خود ایسے ہی ڈرون طیارے بنا لیے۔
انہوںنے امریکا کی طرف سے پابندیوں کی دھمکی مسترد کرتے ہوئے کہا کہ آپ نے ہمیں’ایف 35′ طیاروں کی فراہمی بند کی۔ ہم تمہارے اس اقدام کو تسلیم نہیں کرتے۔ ترکی کوئی قبائلی ریاست نہیں بلکہ ترکی ہے اورتم آج تک ترک قوم کو نہیں جان پائے۔
