اسلامی تحریک مزاحمت’حماس’ کے سیاسی شعبے کے سربراہ اسماعیل ھنیہ اورترکی کے صدر رجب طیب ایردوآن نے ٹیلیفون پر بات چیت میں کرونا وباء سے نمٹنے کے لیے مشترکہ کوششوں پر اتفاق کیا ہے۔
مرکزاطلاعات فلسطین کے مطابق حماس کے دفتر سے جاری ایک بیان میں کہا گیا ہے کہ حماس کے سیاسی شعبے کے سربراہ اور ترک صدر طیب ایردوآن کے درمیان غزہ کے علاقے میں کرونا وائرس سے نمٹنے اور عالمی وباء کے خلاف مشترکہ کوششیں کرنے سے اتفاق کیا ہے۔
بیان میں کہا گیا ہے کہ ترک صدر طیب ایردوآن نے غزہ کی پٹی میں انتظامیہ کو کرونا سے نمٹنے میں ہرممکن مدد فراہم کرنے کی یقین دہانی کرائی ہے۔
خیال رہے کہ جمعہ کے روز دنیا بھر میں کرونا کے مریضوں کی تعداد 2 لاکھ 65 ہزار سے تجاوز کرگئی ہے۔ 182 ممالک میں کرونا کے مجموعی طورپر 11 ہزار مریض ہلاک ہوچکے ہیں۔ سب سے زیادہ ہلاکتیں چین، اٹلی، ایران، اسپین، جنوبی کوریا، فرانس، جرمنی اور امریکا میں ہوئی ہیں۔
