افریقی ملک الجزائر میں دو فلسطینی اپنے فلیٹ پر پُر اسرار طورپر مردہ پائے گئے۔ پولیس نے واقعے کی تحقیقات شروع کردی ہیں۔
مرکزاطلاعات فلسطین کے مطابق الجزائر میں فلسطینی سفارت خانے کی طرف سے بتایا گیا ہے کہ غزہ کی پٹی کے جنوبی شہر خان یونس سے تعلق رکھنے وعالے 33 سالہ سلیمان محمد کریم الفرا اور ڈاکٹر محمد حمید البنا کو ان کی رہائش گاہ پر مردہ پایا گیا۔
خبر رساں ادارے’شہاب‘ کے مطابق فلسطینی سفارت خانے کے مطابق سلیمان اور اس کے دوست محمد کو الجزائر میں ان کے فلیٹ میں مردہ پایا گیا۔ دونوں کی موت کی وجہ گیس سےدم گھٹنے یا بجلی کے شارٹ سرکٹ کا نتیجہ ہوسکتی ہے۔
الجزائر میں فوت ہونے والے ایک فلسطینی کے بھائی نے بتایا کہ الفرا دو ہفتے قبل الجزائر میں سیاسیات اور بین الاقوامی تعلقات عامہ میں ایم کی ڈگری حاصل کی تھی جب کہ اس کا دوست ڈاکٹر محمد البنا اس سے ملنے چار روز قبل بیلجیم سے الجزائر پہنچا تھا۔
الفرا کی چار ماہ قبل غزہ میں منگنی ہوئی تھی جس کےبعد اس کی شادی کی تیاریاں جاری تھیں۔
