قابض اسرائیلی فوج نے مقبوضہ مغربی کنارے کے مختلف علاقوں میں چھاپوں کا سلسلہ شروع کردیا اور 11 فلسطینیوں کو گرفتار کر کے نامعلوم مقام پر منتقل کردیا۔
مقامی ذرائع کے مطابق اسرائیلی فوج نے بیت لحم کے عائدہ مہاجر کیمپ میں تلاشی کے بعد دو نوجوانوں اور معاذ محمد ابو بکر اور احمد میری کو حراست میں لے لیا۔
ذرائع کے مطابق اسرائیلی فوج نے طولکرم شہر کے نور شمس مہاجر کیمپ پر چھاپا مار کر فلسطینی رکن پارلیمان فتحی قرعاوی کے بیٹے برعاء قرعاوی کو حراست میں لے لیا۔
برعاء قرعاوی کے علاوہ اسرائیلی فوج پچھلے ہفتے کے دوران فتحی قرعاوی کے دوسرے بیٹے حمزہ کو بھی حراست میں لے چکی ہے۔
اس کے علاوہ اسرائیلی فوج نے مشرقی بیت المقدس کے شعفات مہاجر کیمپ سے آٹھ فلسطینیوں کو حراست میں لے لیا تھا۔
