فلسطین کےسنہ 1948ء کے دوران صہیونی ریاست کے زیرتسلط آنے والے شمالی شہروں میں اسرائیلی پولیس نے مقامی فلاحی اداروں کے خلاف نیا کریک ڈاؤن شروع کیا ہے۔ گذشتہ روز ام الفحم شہر میں قائم چار فلسطینی فلاحی تنظیموں کےدفاترپر صہیونی پولیس کے مسلح اہلکاروں نے دھاوے بولے۔ دفاتر میں توڑپھوڑ سامان ضبط کرنے کے بعد اداروں کے دفاتر سیل کردیے گئے ہیں۔
اسرائیلی پولیس کی طرف سے جاری کردہ ایک بیان میں کہا گیا ہے کہ یہ کارروائی فلسطینی تنظیم اسلامی تحریک سے وابستہ اداروں کے خلاف کی گئی ہے جو بہ قول اس کے صہیونی انتظامیہ کی اجازت کے بغیر فلاحی کاموں میں سرگرم عمل ہیں۔
مرکزاطلاعات فلسطین کے مطابق اسرائیلی پولیس کی تازہ جارحیت کا نشانہ کیو پریس، نصرت القدس والاقصیٰ سپریم کمیٹی، مداد اللبسیخومتر انسٹیٹیوٹ اور ’قدرات‘ کمپنی بنی ہیں۔ مقامی فلسطینی ذرائع کا کہنا ہے کہ اسرائیلی پولیس نے مذکورہ فلسطینی اداروں کے دفاترمیں گھس کر عملے کو زدو کوب کیا اور سامان کی توڑپھوڑ کے بعد ریکارڈ اور کمپیوٹر قبضے میں لے لیے گئے جس کے بعد دفاتر کو سیل کردیا گیا ہے۔
خیال رہے کہ شمالی فلسطینی علاقوں میں فلاحی سرگرمیوں میں سرگرم سب سے منظم جماعت اسلامی تحریک سے وابستہ اداروں کے خلاف اسرائیلی پولیس کا یہ پہلا کریک ڈاؤن نہیں۔ چند ماہ قبل بھی صہیونی پولیس اسلامی تحریک سے وابستگی کے الزام میں 17 فلسطینی تنظیموں کو بند کرچکی ہے۔
