نیتن یاھو۔ شاہ عبداللہ ملاقات اور امریکی حکام کا دورہ مشرق وسطیٰ!
جمعرات-21-جون-2018
تین روز قبل اسرائیلی وزیراعظم بنجمن نیتن یاھو نے اردن کا مختصر دورہ کیا اور اردنی فرمانروا شاہ عبداللہ دوم سے ملاقات کی۔ دونوں رہ نماؤں کے درمیان یہ چار سال کے وقفے سے ہونے والی ملاقات ہے۔ جبکہ ایک سال پیشتر دونوں ملک ایک سنگین سفارتی تنازع میں الجھے جس کے بعد اردن نے اپنے ہاں متعین اسرائیل کی خاتون سفیر عینات شلائن اور اس کے عملے کو ملک سے نکال دیا تھا۔ کئی ماہ کے تعطل کے بعد چند ماہ قبل دونوں ملکوں میں سفارتی تعلقات بحال ہوئے۔
