فلسطینی اتھارٹی کی پولیس نے ایک سینیر صحافی کو صرف اس لیے حراست میں لینے کے بعد جیل میں ڈال دیا کہ اس نے سرکاری ٹی وی چینل کی ملازمت سے برطرفی پرصدر محمود عباس سےملازمت سے محروم کیے جانے کی شکایت کی تھی۔
فلسطین کے سرکاری ذرائع ابلاغ نے صحافی حسن النجار کی گرفتاری کی خبر کونشر کرنے کی زحمت نہیں کی۔ النجار کا قصور صرف یہ ہے کہ اس نے اپنی ملازمت سے برطرفی پرصدرمحمود عباس کے گھرمیں ان سے متعدد رابطہ کرکے اس پر شکایت کی تھی۔
حسن النجار فلسطین ٹیلی ویژن سے منسلک تھے جنہیں چند روز قبل ملازمت سے برطرف کردیا گیا تھا۔
حسن النجار فلسطین ٹی وی چینل میں نیوز ایڈیٹر کے عہدے پرکام کرررہے تھے۔ اسے حراست میں لینے کے بعد جیل میں ڈال دیا گیا ہے۔ اس نے ملازمت سے برطرفی کے بعد صدر محمود عباس سے تین بار رابطہ کرنے کی کوشش کی تھی۔ اسے جواب دینے کے بجائے پولیس کے ذریعے گرفتار کرلیا۔
اسرائیلی اخبار یروشلم پوسٹ نے صحافی حسن النجار کے والد کے حوالے سے بتایا کہ 33 سالہ صحافی کو رام اللہ میں ایک حراستی مرکز میں رکھا گیا ہے۔
حسن کے والد نے بتایا کہ اس کے بیٹے کو مسلسل 25 دن سے حراست میں رکھا گیا ہے۔ یہ ایک حقیقی ظلم اور فلسطینی اتھارٹی کا جرم ہے۔
انہوں نے کہا کہ میرے بیٹے کا قصور صرف یہ ہے کہ اس نے محمود عباس سے اپنی ظالمانہ برطرفی کاشکوہ کیا تھا۔
