اردن کی حکومت کی طرف سے کل بدھ کے روز فلسطین کے جنگ زدہ علاقے غزہ کی پٹی کے محصورین کی مدد کے لیے 14 ٹرکوں پر مشتمل امدادی قافلہ روانہ کیا ہے۔
اردن کے سرکاری فلاحی ادارے کی طرف کی طرف سے جاری ایک بیان میں کہا گیا ہے کہ مسلح افواج، عرب افواج اور دیگر اداروں کے تعاون سے امدادی کاروان غزہ کی پٹی کے لیے روانہ کیا گیا ہے۔
بیان میں کہا گیا ہے کہ امدادی قافلے میں 14 ٹرک شامل ہیں جن میں خوراک، طبی سامان اور بنیادی استعمال کی دیگر اشیا شامل ہیں۔
یہ امدادی سامان غزہ کی پٹی میں اردن کے ملٹری فیلڈ اسپتال اور غزہ میں وزارت صحت کے ڈاریکٹوریٹ برائے سماجی ترقی کے حوالے کیا جائے گا۔
امدادی ادارے کے سیکرٹری جنرل حسین الشبلی نے کہا کہ یہ امدادی سامان مملکت کے فرمانروا کی طرف سے فلسطینی بھائیوں بالخصوص غزہ کی پٹی کے عوام کی بہبود کے لیے بھیجا جا رہا ہے۔
