کل جمعرات الاقصیٰ انٹرنیشنل فاؤنڈیشن نے "باب رحمت” کے دفاع کے لیے شروع کی گئی مہم کی کامیابی کی تیسری سالگرہ کی یاد منائی ایک تقریب کا اہتمام کیا گیا۔ یہ مہم 17 فروری 2019 کو مسجد اقصیٰ میں "باب الرحمہ” کو بند کیے جانے کے خلاف شروع کی گئی جسے کئی سال بعد دوبارہ کھلوا لیا گیا۔
ترکی کے شہر استنبول میں منعقدہ ایک کانفرنس کے دوران 55 ترک انجمنوں اور سول سوسائٹی کے اداروں نے ایک مشترکہ بیان جاری کیا۔ انہیں القدس شوریٰ کا نام دیا جاتا ہے۔
اپنے بیان میں، شرکاء نے ترکی کے اندر عالمی القدس ہفتہ کے دوسرے ایڈیشن میں اپنی مختلف سرگرمیوں کے ساتھ، خاص طور پر 25 فروری کو اسراء اور معراج کی سالگرہ کے موقع پر اپنی شرکت کا اعلان کیا۔
انہوں نے مقبوضہ بیت المقدس کے "الشیخ جراح” محلے کے کاز کے ساتھ اپنی مکمل حمایت اور یکجہتی کا اظہار کیا۔
منبر الاقصیٰ فاؤنڈیشن کے ایگزیکٹو ڈائریکٹر محمد علی بیود نے قدس پریس کو دیے گئے بیان میں کہا کہ اس دن کانفرنس کے انعقاد کا انتخاب جو باب الرحمہ کی فتح اور یروشلم کی فتح کی تیسری سالگرہ کے موقع پر ہوا محض ایک علامتی اہمیت ہے۔
انہوں نے وضاحت کی کہ "مسجد الاقصیٰ کے ایک حصے کی آزادی جو اسرائیلی قبضے کی وجہ سے کئی سالوں سے بند ہے۔ اسے نماز کے لیے کھلا رکھنے میں کامیابی ایک بڑی فتح ہے۔
