مقبوضہ مغربی کنارے کے شہر رام اللہ کے قریب کل شام کو ایک آباد کار اس وقت زخمی ہوا جب اس کی گاڑی پر پتھراؤ کیا گیا۔
فلسطینی نوجوانوں نے گاڑی پر اس وقت پتھراؤ کیا جب وہ رام اللہ کے مشرق میں ایک یہودی بستی کی گلی شاہراہ 60 پر جا رہی تھی، جس سے اس کا ڈرائیور زخمی ہو گیا۔
فلسطینی نوجوان مغربی کنارے اور القدس میں مزاحمتی کارروائیاں جاری رکھے ہوئے ہیں۔ وہ یہودی آبا کاروں کی گاڑیوں پر سنگ باری کرتے اور ان پر پٹرول بموں سے حملے کرتے ہیں۔
"نمبر 60” کے نام سے جانے والی آبادکاری کی سڑک رام اللہ کے مشرق میں واقع سلواد قصبے کے درمیان سے گذرتی ہے۔ یہ سڑک اس قصبے کی قدرتی توسیع کو کاٹ رہی ہے، جس سے شہر کے لوگوں کو بہت زیادہ نقصان ہو رہا ہے اور وہ پہلے کی طرح اپنی زمینوں کے وسیع علاقوں تک رسائی سے محروم ہو رہے ہیں۔
شاہراہ شہریوں کی زمینوں پر قابض ریاست کے ذریعے قائم کی گئی سب سے اہم آبادکاری کی سڑکوں میں سے ایک بن گئی ہے، کیونکہ یہ شمالی مقبوضہ مغربی کنارے کی بستیوں کو جنوبی فلسطین میں قائم بستیوں سے جوڑتی ہے۔
پچھلے ہفتے مغربی کنارے نے قابض ریاست کے ساتھ پرتشدد، تصادم اور مزاحمتی کارروائیوں میں نمایاں اضافہ دیکھا گیا۔
رواں ہفتے کے دوران تصادم کے 142 پوائنٹس پرلڑائی ہوئی۔ مغربی کنارے کے کئی علاقوں میں فائرنگ کے 10 حملے کیے، رام اللہ اور جینن میں دو نوجوان مارے گئے اور فوجیوں اور آباد کاروں سمیت 15 اسرائیلی زخمی ہوئے۔
